حب النمور

الحب مش لعبة

الحب قدر واختيار

واحة جوة الغابة



الحب انتماء ونماء

مشاركة مش شركة

هو انت مين؟

هو انت شايف نفسك ايه؟

أسد

ملك الغابة

وحش يخوّف الديابة

طب والناس شايفينك ايه؟

قط مقطقط

هادى وماشى

لما ينوّنو كله يزقطط

 

يعنى انت اسد واللا قط؟

انا زى مااشوف نفسى

انا زى بقيت خلق الله

احنا واحد

أنا وأنت فى قارب واحد

ومجدافين

أنا واحد وأنت واحد

احنا الاثنين بنجّدف

رايحين لمكان واحد

انا يمين وانت شمال

وياخدنا نهر واحد

وكده يكمل مشوارنا